Kënga “Si ai” nga Tayna radhitet e gjashta në botë në Shazam

18:28 | 19 Gusht 2024
E.G

Kënga “Si ai”, e interpretuar nga reperja e njohur Tayna, vazhdon të shënojë suksese të jashtëzakonshme dhe të ketë ndikim global.

Kjo këngë, e cila fillimisht bëri jehonë të madhe në trojet shqiptare, tani ka arritur një arritje tjetër të rëndësishme në arenën ndërkombëtare.

Së fundmi, Tayna ka ndarë me ndjekësit e saj një lajm të gëzueshëm përmes një postimi në Instagram, ku ka zbuluar se “Si ai” është renditur në vendin e gjashtë në botë në platformën e njohur të identifikimit të muzikës, “Shazam”.

Në postimin e saj, artistja ka shpërndarë një tabelë që dëshmon këtë sukses të madh dhe ka shoqëruar postimin me një emoji të përlotur, duke reflektuar emocionet dhe krenarinë e saj për këtë arritje.
Ky sukses i këngës “Si ai” është një dëshmi e ndikimit të saj dhe popullaritetit që ka arritur në nivel global.

Pas këtij suksesi të jashtëzakonshëm, Tayna nuk po ndalet. Ajo është duke punuar për një projekt të ri muzikor, i cili pritet të lansohet së shpejti. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm